„ჯაზში მხოლოდ ქალიშვილები არიან“ — კულინარია კინოში

ბილი უაილდერის უბერებელი შედევრის „ჯაზში მხოლოდ ქალიშვილები არიან“ (1959) სასტუმროს ერთ-ერთ ეპიზოდში, სადაც მერილინ მონროს პერსონაჟი ქალად გადაცმულ ტონი კერტისის გმირს გულის ტკივილს უზიარებს, იხსენებს: “ჩემმა საქსოფონისტმა შეყვარებულმა სახეში “კოულსლოუ” შემაყარა, იმიტომ კი არა, რომ მოვბეზრდი, არამედ კარტოფილი “ფრის” ნაცვლად მივუტანე.” კომედიანარევ დიალოგში მონროს პერსონაჟი ამბობს, რომ პარტნიორი სხვა ქალთან წავიდა, მას კი, მოჰონებებისთვის მხოლოდ დაჭყლეტილი კბილის პასტის ტუბი დარჩა.”

საინტერესო ფაქტები და ეპიზოდები საკულტო ფილმიდან „ჯაზში მხოლოდ ქალიშვილები არიან“ (Some Like It Hot, 1959):

იცოდით, რომ იახტის ლეგენდარული კოცნის სცენის გადასაღებად უამრავი დუბლის გადაღება დასჭირდათ!

კინოსურათის ყველაზე ცნობილი რომანტიკული ეპიზოდის — იახტაზე მერილინ მონროსა და ტონი კერტისის პერსონაჟების პაემნის — გადაღება რეალურ ცხოვრებაში ნამდვილი გამოცდა აღმოჩნდა. ტონი კერტისი დუბლებს შეგნებულად აფუჭებდა, რათა მერილინისთვის ბევრჯერ ეკოცნა. ამ ერთი პატარა ეპიზოდის გადაღებას რეჟისორ ბილი უაილდერისთვის საბოლოოდ ზუსტად 45 დუბლის გაკეთება დასჭირდა! მიუხედავად იმისა, რომ ეკრანზე ყველაფერი დახვეწილად და მხურვალედ გამოიყურება, პროცესი დამღლელი იყო როგორც მსახიობებისთვის, ისე მთელი გადამღები ჯგუფისთვის.

ფილმის ყველაზე ცნობილი ფინალური ფრაზა — „ყველას თავისი ნაკლი აქვსო“ (Nobody's perfect) — რომელსაც მილიონერი ოზგუდი ეუბნება ჯეკ ლემონის პერსონაჟს (როდესაც სიმართლე ირკვევა), სცენარისტი ბილი უაილდერის აზრით, დროებითი ხუმრობა უნდა ყოფილიყო, მაგრამ იმდენად ზუსტი და სახალისო გამოვიდა, რომ ფილმში სამუდამოდ დატოვეს!

მონროს კოსტიუმები: ფილმის შთამბეჭდავი კაბები ცნობილმა მხატვარმა ორრი-კელიმ შექმნა. მერილინ მონროს კოსტიუმები იმდენად ტანზე მომდგარი და თამამი იყო, რომ გადასაღებ მოედანზე განსაკუთრებული სიფრთხილე სჭირდებოდა.